Old गृहअर्थशात्र विभाग – 8 मार्च 2025 रोजी ‘जागतिक महिला दिन’ साजरा

बाबाजी दाते कला आणि वाणिज्य महाविद्यालय यवतमाळ येथील गृह-अर्थशास्त्र विभाग यांच्या अंतर्गत दि. 8 मार्च 2025 रोजी ‘जागतिक महिला दिन’ प्राचार्य डॉ. राजेश सिंगरू यांच्या मार्गदर्शनात आयोजित करण्यात आला.

कार्यक्रमाचे प्रास्ताविक गृह-अर्थशास्त्र विभागप्रमुख डॉ. वैशाली मेश्राम यांनी करतांना महिला दिनानिमित्य सत्कार मुर्ती असलेल्या डॉ. बानो सरताज यांचा परिचय करून देत त्यांचे विविध साहित्य व कचऱ्यातून बनवलेल्या कलाकृती यांची सविस्तर माहिती दिली.  त्यांना अहिल्याबाई होळकर महाराष्ट्र गौरव पुरस्त्कार मिळालेला आहे याचा उल्लेख करण्यात आला.

त्याचप्रमाणे दुसऱ्या सत्कारमूर्ती असलेल्या डॉ. सारिका शहा यांच्या व्यक्तीत्वाविषयी बोलताना त्या एक समाजसेवक असून विविध उपक्रमातून गरजू लोकांना कायम मदत करत असतात, विद्यार्थिनींना देखील त्यांनी भरपूर मदत केलेली आहे असे सांगून महिला दिनानिमित्त आयोजित कार्यक्रमाचा हेतु काय आहे तो समजून सांगितला.

कार्यक्रमाला प्रमुख अतिथी म्हणून उपस्थित असलेल्या डॉ. बानो सरताज यांनी विद्यार्थिनींना ड्राय बुके चे प्रशिक्षण देत शिक्षण हे विद्यार्थिनींसाठी कश्याप्रकारे आवश्यक आहे हे सांगितले आणि आपल्या कलागुणातून आपण व्यावसायिक कसे बनू शकतो याविषयी सविस्तर मार्गदर्शन केले. त्याचप्रमाणे दुसऱ्या सत्कारमूर्ती असलेल्या डॉ. सारिका शहा मॅडम यांनी विद्यार्थिनींना समाजसेवा विद्यार्थीदशेमध्ये कशी करता येते याची माहिती दिली आणि आपण कसं आपलं व्यक्तिमत्व घडविले पाहिजे याविषयी सविस्तर मार्गदर्शन केले. दोन्ही सत्कारमूर्तीचे शाल श्रीफळ व सन्मानचिन्ह देऊन सत्कार करण्यात आला.

कार्यक्रमाचे सूत्रसंचालन कु. जयश्री रेकुलवार हिने केले तर आभार प्रदर्शन प्रा. स्नेहलता घाटे ह्यांनी केले. कार्यक्रमाच्या यशस्वी ते करिता प्रा. हेमा गुल्हाने व तिन्ही वर्षांच्या गृह-अर्थशास्त्राच्या विद्यार्थिनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे गृह अर्थशास्त्र विभाग अंतर्गत दिनांक 21/01/2025 रोजी प्राचार्य डॉ. राजेश शिंगरू यांच्या मार्गदर्शनात इव्हेंट मॅनेजमेंट अंतर्गत संक्रांति विशेष कार्यक्रमाचे आयोजन करण्यात आले. गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना इव्हेंट मॅनेजमेंट अंतर्गत कार्यक्रम घेण्यामागचा उद्देश समजून सांगितला व विविध स्पर्धा काय भूमिका बजावतात हे सविस्तर सांगितले. यावेळी विद्यार्थिनींनी संक्रांति साठी विशेष रांगोळी काढल्या होत्या तसेच हलव्याचे दागिने तयार करण्यात आले होते प्रा. हेमा गुल्हाने यांनी विद्यार्थिनींना संपुर्ण कार्यक्रमात थिमनुसार करण्याच्या डेकोरेशनची माहिती दिली. तसेच प्रा. स्नेहलता घाटे यांनी विद्यार्थीनीना आहारशास्त्रांचा प्रोजेक्ट तयार करण्यास मदत व मार्गदर्शन केले. यावेळी काढण्यात आलेल्या रांगोळी स्पर्धेत दिपाली ठाकरे प्रथम तर पुजा निमकर हिने व्दितीय क्रमांक पटकावला तसेच हलव्याच्या दागिन्या मध्ये प्रथम क्रमांक सुहानी राठोड हिने तर व्दितीय क्रमांक मयुरी पराते हिने पटकावला देवयानी वानखडे हिने तिळपासून विविध वस्तु तयार करून प्रथम क्रमांक मिळवला त्याच प्रमाणे वैष्णवी बगमारे हिला प्रोत्साहन पर बक्षीस देण्यात आले.

संस्थेचे अध्यक्ष श्री. विनायकदादा दाते व सौ. सुषमा दाते ह्यांनी विद्यार्थीनींनी चे कौतुक केले, व द्वितीय वर्षाच्या विद्यार्थिनींनी तयार केलेल्या भिंतीपत्रकाचे उद्घाटन केले तसेच प्राचार्य डॉ. राजेश शिंगरू ह्यांनी विद्यार्थीनींना मोमेंटो देवून पुढील स्पर्धांसाठी शुभेच्छा दिल्या यांवेळी उपप्राचार्य डॉ. ताराचंद कंठाळे, संपूर्ण प्राध्यापक वर्ग व शिक्षेकेतर कर्मचारी उपस्थित होते. कार्यक्रमाच्या यशस्वीते करीता गृहअर्थशास्त्राच्या विद्यार्थीनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे गृह-अर्थशास्त्र विभागा अंतर्गत रानडे बेकरी ला भेटीचे आयोजन दिनांक 13/01/ 2025 रोजी प्राचार्य, डॉ.राजेश शिंगरू यांच्या मार्गदर्शनात करण्यात आले. गृह-अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना बेकरी भेटी मागचा उद्देश सांगून डेली निड्स म्हणून ओळखले जाणारे उत्पादन कसे तयार केले जातात व पॅकिंग करून आपल्यापर्यंत कसे पोहोचतात हे प्रत्यक्ष पाहून ते आपल्यापर्यंत पोहोचायला कोणत्या कोणत्या प्रोसेस मधून जातात हे अभ्यासावे असे आवाहन केले. तसेच सारिका नंदे यांनी विद्यार्थिनींना अन्नशास्त्र शिकताना बेकिंग पॉइश्चरायझिंग व पॅकिंग या कशा प्रकारे महत्त्वपूर्ण असतात हे सांगितले व अहवाल लेखन कसे करावे याविषयी मार्गदर्शन केले यावेळी प्रा. हेमा गुल्हाने व  प्रा. स्नेहलता घाटे यांनी विद्यार्थिनींना अभ्यासायच्या गोष्टीची माहिती दिली व विद्यार्थीनीना मार्गदर्शन केले. रानडे बेकरी ही यवतमाळातील सुप्रसिद्ध बेकरी असून प्रत्येक डेली नीड्स च्या दुकानात यांचे प्रॉडक्ट सहज उपलब्ध असतात त्यामुळे विद्यार्थीनिंना या बेकरी विजिटचा एक वेगळाच आनंद आला तिथे असलेली स्वच्छता पॅकिंगची वेगवेगळी पद्धती दुधाचे वेगवेगळे उत्पादन कसे केले जाते त्याचप्रमाणे डोनल्ड्स पाव बेकिंगचे पदार्थ कुकीज व वेगवेगळ्या प्रकारचे स्वीट्स हे कसे तयार केले जातात हे विद्यार्थिनींनी जवळून पाहिले यावेळी विद्यार्थिनींना आनंद रानडे यांनी संपूर्ण प्रोसेसची सविस्तर माहिती दिली. कार्यक्रमाच्या यशस्वी ते करिता गृह अर्थशास्त्र विभागाच्या सर्वच विद्यार्थिनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृह-अर्थशास्त्र विभागां अंतर्गत दि.25 /10 /2024 रोजी दिवाळी प्रदर्शनी व विक्री कार्यक्रमाचे आयोजन प्राचार्यडॉ. राजेश शिंगरू यांच्या मार्गदर्शनात करण्यात आले.प्रदर्शनीला उद्घाटक म्हणून संस्थेचे अध्यक्ष श्री. विनायक दाते हे होते तर प्रमुख पाहुणे म्हणून सौ. सुषमा दाते, श्री. विजय कासलीकरव प्राचार्य डॉ. राजेश शिंगरू तसेच महाविद्यालयातील प्राध्यापक उपस्थित होते. गृह-अर्थशास्त्र विभाग प्रमुख डॉ.वैशाली मेश्राम यांनी विद्यार्थिनींना शिका व कमवा अंतर्गत कचऱ्यापासून तयार केलेल्या विविध वस्तूंची विक्री करून अर्थार्जन कसे करता येईल याची सविस्तर माहिती दिली तसेच संवाद कौशल्य द्वारे ग्राहकांना दर्जेदार साहित्य कसे विकता येईल याविषयी मार्गदर्शन केले. प्रा.हेमा गुल्हाने यांनी विद्यार्थिनींना विविध वस्तू तयार करण्याचे प्रशिक्षण दिले व त्या सजावटीसाठी मदत केली. प्रा. स्नेहलता घाटे यांनी विद्यार्थिनींना वस्तू मांडणीसाठी मदत करून आकर्षक दुकानातून ग्राहकांना कसे प्रलोभित करता येते याची माहिती सांगितली. बी.ए. भाग 1, 2, व 3 च्या विद्यार्थिनींनी दिवाळीनिमित्त स्वतः वस्तू तयार करून त्या वस्तूंची विक्री केली. प्रदर्शनीत लावण्यात आलेल्या विविध वस्तु सर्वांचे मन मोहुन टाकत होत्या. प्रदर्शनीच्या यशस्वीतेसाठी गृह-अर्थशास्त्राच्या विद्यार्थीनीनी परीश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृह अर्थशास्त्र विभागामार्फत दि 3/10/2024 रोजी बी.ए. फायनलच्या विद्यार्थिनीसाठी बाबाजी दाते इंग्लिश मीडियम स्कूल  येथे भेटीचे आयोजन करण्यात आले. गृह अर्थशास्त्र विभाग प्रमुख डॉ.वैशाली मेश्राम यांनी विद्यार्थिनीं नर्सरी भेटी मागचा उद्देश स्पष्ट करून सांगितला. अभ्यासक्रमांतर्गत नर्सरी भेटीचे आयोजन विद्यार्थ्यांचा मानसिक कल जाणून घेण्यासाठी केला जातो व शैक्षणिक साहित्यातून विद्यार्थ्यांना मार्गदर्शन केल्याने अध्ययन प्रभावीपणे होते असे सांगितले प्रा. हेमा गुल्हाने यांनी विद्यार्थिनींना विविध शैक्षणिक साहित्य कसे बनवायचे व त्याचा उपयोग विद्यार्थ्यांना शिकविण्यासाठी कशाप्रकारे होईल हे स्पष्ट केले. विद्यार्थिनींनी नर्सरी स्कूलच्या विद्यार्थ्यांना शैक्षणिक साहित्यातून शिकविले व त्यांच्या मानसिकतेचा अभ्यास केला.  शाळेच्या मुख्याध्यापिका अस्मिता पळसोकर यांनी विद्यार्थिनींचे कौतुक केले व त्यांनी शिकवलेले लहान मुलांना चांगल्या प्रकारे समजले असा विश्वास व्यक्त केला.   विद्यार्थ्यांना चॉकलेटचे वाटप करून कार्यक्रमाची सांगता करण्यात आली.

बाबाजी दाते कला आणि वाणिज्य महाविद्यालय यवतमाळ येथे दि. ३/१०/२४ रोजी गृह अर्थशास्त्र अभ्यास मंडळ उद्घाटन कार्यक्रमाचे आयोजन प्राचार्य डॉ. प्रदीप दरवरे यांच्या मार्गदर्शनात करण्यात आले. गृह अर्थशास्त्र विभाग प्रमुख डॉ.वैशाली मेश्राम यांनी विद्यार्थिनींना अभ्यास मंडळ स्थापने मागची भूमिका उलगडून दाखवली व वर्षभर करावयाच्या उपक्रमाची सविस्तर माहिती दिली. उद्घाटक म्हणून उपस्थित असलेल्या प्रा. सारिका पांडे  यांनी विद्यार्थिनींना गृह अर्थशास्त्र हा गृहिणीसाठी जिव्हाळ्याचा विषय असून या विषयातून रोजगार व स्वयंरोजगाराच्या विविध संधी सहज उपलब्ध होतात असे सांगून अभ्यास मंडळातील सर्व सभासदांचे अभिनंदन केले. प्रा .हेमा गुल्हाने यांनी विद्यार्थिनींना विविध उपक्रमामध्ये सर्वसमावेशक भूमिका अभ्यास मंडळातील सदस्यांची असते तसेच वर्षभर सुरू असलेल्या उपक्रमांचा कार्यभार सुद्धा अभ्यास मंडळातील सदस्य उचलत असतात असे सांगितले. कार्यक्रमाचे सूत्रसंचालन दिपाली ठाकरे यांनी तर आभार प्रदर्शन देवयानी वानखेडे यांनी केले

बाबाजी दाते कला आणि  वाणिज्य महाविद्यालय यवतमाळ येथे दि. 9/ 9/24रोजी पोषण सप्ताह निमित्त रानभाजी प्रदर्शनी व पोषणसुंदरी कार्यक्रमाचे आयोजन गृह अर्थशास्त्र विभागाच्यावतीने प्राचार्य डॉ. प्रदीप दरवरे यांच्या मार्गदर्शनात करण्यात आले. दि. १ ते 7 सप्टेंबर पोषण आहार सप्ताह जगभरात साजरा केला जातो या निमित्ताने गृह अर्थशास्त्र विभाग विविध कार्यक्रमाचे आयोजन करत असते गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना रानभाजी प्रदर्शनीचे महत्व सांगून रानभाज्या आपल्या स्वास्थ्यासाठी कशा महत्त्वाच्या आहे हे सविस्तर समजून सांगितले, तसेच पोषक घटक सेवन केल्यामुळे आतून सौंदर्य निर्मिती होते व आपण खऱ्या अर्थाने पोषण सुंदरी होतो हे पटवून दिले. प्रा.हेमा गुल्हाने यांनी विद्यार्थिनींना विविध कडधान्य व डाळी तसेच फळांपासून दागिने तयार करायचे प्रशिक्षण दिले, त्याचप्रमाणे स्नेहलता घाटे यांनी विद्यार्थिनींना पोषण  सुंदरी स्पर्धे मागचा हेतू उलगडून दाखवला विद्यार्थिनींनी ग्रामीण भागामध्ये उपलब्ध असलेल्या विविध रानभाज्या प्रदर्शनीत समाविष्ट केल्या तसेच विद्यार्थ्यांनींनी तयार केलेले दागिने हे कोणते कोणते पोषक घटक देतात हे सांगून विद्यार्थिनींना कॅटवॉक द्वारे पोषणाचे महत्त्व सांगितले कार्यक्रमाच्या यशस्वीते करिता बीए भाग २ व बीए भाग 3 च्या विद्यार्थिनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृह अर्थशास्त्र विभागाअंतर्गत दि. 17/8/24 रोजी नारळी पौर्णिमा निमित्त राखी प्रदर्शनी व विक्री कार्यक्रमाचे आयोजन प्राचार्य डॉ. प्रदीप दरवरे यांच्या मार्गदर्शनात करण्यात आले.
गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना कचऱ्यातून राख्या तयार करून अर्थार्जन कशा प्रकारे करू शकतो तसेच आपल्या कलागुणांना वाव देण्याचे हे माध्यम आहे असे सांगून प्रदर्शनी मध्ये सहभागी होण्याचे आवाहन केले, प्रा. हेमा गुल्हाने यांनी विद्यार्थिनींना राख्या बनविण्यासाठी सहकार्य करून कचऱ्यातून कशा सुंदर राख्या बनविता येतात हे शिकविले, प्रा. स्नेहलता घाटे यांनी अर्थार्जनासाठी कमी वेळामध्ये जास्त राख्या कशा बनविता येईल याचे प्रशिक्षण दिले.
प्रदर्शनीला महाविद्यालयातील प्राध्यापकांनी भेट देऊन राख्या खरेदी केल्या व विद्यार्थिनींना प्रोत्साहन दिले. सदर प्रदर्शनीसाठी पूजा दडांचे रुचिता जाधव स्मिता राठोड रक्षा दौलत्कार देवयानी वानखेडे यांनी परिश्रम घेतले

बाबाजी दाते कला आणि वाणिज्य महाविद्यालय यवतमाळ येथील गृह अर्थशास्त्र विभागाच्या वतीने दिनांक 1 ऑगस्ट ते 7ऑगस्ट 2024 दरम्यान राष्ट्रीय स्तनपान सप्ताहाचे आयोजन  करण्यात आले. सप्ताहाच्या शेवटच्या दिवशी विद्यार्थिनींनी काढलेल्या स्केच तसेच खेळणी व पोषक पदार्थाची प्रदर्शनी लावण्यात आली.
त्यावेळी गृह अर्थशास्त्र विभाग प्रमुख डॉ. वैशाली मेश्राम यांनी कार्यक्रमाचे प्रास्ताविक करतांना विद्यार्थिनींना स्तनपान सप्ताहाचे आयोजन करण्यामागील हेतू समजवून सांगुन स्पर्धा घेण्या मागचा उद्देश सांगीतला  प्रा. हेमा गुल्हाणे यांनी विद्यार्थीनींना मार्गदर्शन करताना स्तनपानाचे महत्त्व समजावून सांगुन   आई व  बाळासाठी ते महत्वांचे कसे आहे हे सविस्तर सांगितले तसेच प्रा. स्नेहलता घाटे यांनी बाळासाठी स्तनपानाची आवश्यकता का असते हे समजाऊन सांगितले. आई व बाळ यांचे ऋणानुबंध स्तनपानातुन निर्माण होतात हे उदाहरणाद्वारे उलगडून दाखवले
गृह अर्थशास्त्र विभागाच्या वतीने स्तनपान सप्ताह निमित्त विविध स्पर्धांचे आयोजन करण्यात आले यामध्ये पोस्टर स्पर्धा, पोषणयुक्त पदार्थ (बाळासाठी किंवा आईसाठी) तसेच बाळासाठी टाकाऊ वस्तु पासून शैक्षणिक साहित्य तयार करणे या स्पर्धांचा समावेश होता. सप्ताहाच्या शेवटच्या दिवशी स्केच डिश व शैक्षणिक साहित्याची प्रदर्शनी लावून विद्यार्थिनींनी आपल्या कलाकृती सादर केल्या प्रत्येक स्पर्धेमधून तीन क्रमांक काढण्यात आले
विद्यार्थीनींनी या स्पर्धांना उत्स्फूर्त सहभाग नोंदवून स्तनपान सप्ताहाच्या यशस्वीतेकरिता मोलाचे योगदान दिले.

बाबाजी दाते कला आणि वाणिज्य महाविद्यालय यवतमाळ येथील गृह अर्थशास्त्र विभागाच्या वतीने दिनांक 27/2/2024 रोजी बी.ए. 3 सेमिस्टर 6 च्या अंतर्गत इव्हेंट मॅनेजमेंट शिकण्याकरिता बर्थडे पार्टीचे आयोजन प्राचार्य डॉ. वर्षा कुलकर्णी यांच्या मार्गदर्शनात करण्यात आले.
गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना गृह अर्थशास्त्र अंतर्गत इव्हेंट मॅनेजमेंटची भूमिका स्पष्ट करून सांगितली व कार्यक्रमा मागचा उद्देश सांगितला.  कार्यक्रमाला प्रमुख अतिथी म्हणून उपस्थित असलेले श्री विनायक दाते यांनी विद्यार्थिनींना इव्हेंट मॅनेजमेंट चे महत्व सांगून दैनंदिन जीवनामध्ये वेगवेगळे इव्हेंट कसे साजरे केले जातात हे सांगून हितगुज केले. महाविद्यालयाच्या प्राचार्य डॉक्टर वर्षा कुलकर्णी यांनी विद्यार्थिनींना जिवनामध्ये नियोजनाचे महत्व विषद करून उत्कृष्टरित्या सादर   केलेल्या समारंभाचे कौतुक करून पुढील कार्यक्रमाकरिता शुभेच्छा दिल्या.
सदर कार्यक्रमाच्या यशस्वीते करीता प्रा. हेमा गुल्हाणे ह्यांनी परिश्रम घेतले.

बाबाजी दाते कला आणि वाणिज्य महाविद्यालय राष्ट्रीय सेवा योजना व गृहअर्थशास्त्र विभाग यांच्या संयुक्त विद्यमाने दिवाळी वस्तुंचे प्रदर्शन व विक्री कार्यक्रमाचे आयोजन दि. 7/11/23 रोजी प्राचार्य डॉ. वर्षा कुलकर्णी यांच्या मार्गदर्शनात करण्यात आले.
प्रदर्शनीचे उद्घाटक म्हणून महाविदयालयाच्या प्राचार्या डॉ. वर्षा कुलकर्णी ह्या होत्या तर प्रमुख अतिथी म्हणुन सिनेट सदस्य प्रा हरिदास धुर्वे उपस्थित होते
रा.से. यो. कार्यक्रम अधिकारी व गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थ्यांना विविध वस्तु स्वतः तयार करून विकण्यात वेगळा आनंद मिळतो हे सांगुन, स्वयंरोजगाराचे महत्व पटवून दिले. रा.से.यो. सह कार्यक्रम अधिकारी डॉ . सचिन जयस्वाल यांनी प्रदर्शनी लावण्यास मदत करून विक्री कौशल्य शिकवले.
विद्यार्थ्यांना स्वयंरोजगाराचे महत्व समजण्यासाठी दिवाळी निमित्त वापरण्यात येणाऱ्या विविध वस्तु विद्यार्थ्यांनी बनवुन विक्री केली. यामध्ये आकर्षक दिवे, आकाश दिवे, तोरण, फुलांच्या माळा, रांगोळी, तसेच खाद्य पदार्थांचा समावेश होता.
विद्यार्थ्यांनी विक्री कले द्वारे ग्राहकांना आकर्षित केले. प्राध्यापक व विद्यार्थ्यांनी विविध वस्तुची खरेदी करून रा. से. यो. विद्यार्थ्यांचे कौतुक केले.
सदर कार्यक्रमासाठी दिपाली ठाकरे ठाकरे रश्मी परसराम, रोहन  गायकवाड, मंगेश लोंढे, वैष्णवी बघमारे, सौजन्या, आदित्य वेळुकार, अर्थराज  राठोड, तुषार दडांजे यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे गृह अर्थशास्त्र विभागाच्या वतीने बी.ए.-3 च्या विद्यार्थिनींसाठी कापडी टॉईज बनवण्याचे प्रशिक्षण कार्यशाळेचे आयोजन दिनांक 28-10-2023 रोजी प्राचार्य वर्षा कुलकर्णी यांच्या मार्गदर्शनात करण्यात आले.
गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना अर्थार्जनासाठी कापडी बाहुल्या व खेळणे कशी महत्त्वाची भूमिका बजावतात व त्यापासून आपल्याला अर्थार्जण कसे करता येते, हे सविस्तर सांगितले व कार्यशाळेत सहभागी होण्याचे आवाहन केले.
कार्यक्रमाला प्रशिक्षक म्हणून लाभलेल्या सौ. प्रतिभा मारबते यांनी विद्यार्थिनींना वेगवेगळ्या कापडापासून टॉईज बनवण्याचे प्रशिक्षण दिले  विद्यार्थिनींनी वेगवेगळ्या आकाराचे टॉईज बनवले.
कार्यक्रमाच्या  यशस्वीते  करिता प्रा. हेमा गुल्हाने, रश्मी परसराम, सपना निमसरकार, सृष्टी येडमे, रेणुका टापरे, भारती छापेकर यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे गृह-अर्थशास्त्र विभागाच्या वतीने बीए भाग 2 च्या विद्यार्थिनींसाठी भरडधान्य डिश डेकोरेशन स्पर्धेचे आयोजन दि. 27-10- 2023 रोजी प्राचार्य वर्षा कुलकर्णी यांच्या मार्गदर्शनात करण्यात आले.
गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना भरडधान्य म्हणजे काय ?  ते सांगून मिळणाऱ्या पोषक घटकांची माहिती दिली. तसेच प्रा. हेमा गुल्हाने यांनी विद्यार्थिनींना वेगवेगळ्या प्रकारच्या डिशेस कशा बनवायच्या व त्याची मांडणी याविषयी सविस्तर मार्गदर्शन केले.
कार्यक्रमाच्या यशस्वी ते करिता दिपाली ठाकरे, वैष्णवी बगमारे, माधुरी अडाळकर, आचल भोंडे, जयश्री रेकुलवार, आचल भुसारे यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे दि.6/10/23रोजी गृह अर्थशास्त्र विभागाच्या वतीने बीए भाग 1 अभ्यासक्रमांतर्गत फ्रेश व शुष्क पुष्परचना कार्यशाळेचे आयोजन करण्यात आले. गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना कार्यशाळा घेण्यामागचा उद्देश सांगून अर्थार्जनासाठी ही कार्यशाळा कशी महत्त्वाची आहे हे पटवून दिले, तर महाविदयालयाच्या प्राचार्य डॉ.वर्षा कुलकर्णी यांनी विद्यार्थ्यीनींना अशा कार्यशाळा विद्यार्थी जीवनामध्ये काय भूमिका बजावतात हे सांगून  कला गुण जोपासून अर्थार्जन करावे असा सल्ला दिला, कार्यशाळेला मार्गदर्शक म्हणून लाभलेल्या अंकिता  वांढरे यांनी विद्यार्थिनींना बटर पेपर, वेलवेट  पेपर, सॉक्स पेपर, ऑरगंडी कापड, तसेच वेगवेगळ्या पेपर्स पासून फुले कशी बनवायची हे सविस्तर शिकवले व विविध प्रकारच्या पुष्परचना करून दाखविल्या.
कार्यक्रमाच्या यशस्वीते करीता प्रा. हेमा गुल्हाणे, दिपाली ठाकरे, वैष्णवी कुमरे, दिव्या कुडमेथे,  निंशा नैताम, अंकिता मडावी, सृष्टी येडमे, महेश्वरी आत्राम, निकिता मेश्राम व रश्मी परसराम ह्यांनी परिश्रम घेतले

बाबाजी दाते कला आणि वाणिज्य महाविद्यालय यवतमाळ येथील गृहअर्थशास्त्र विभागाच्या वतीने दिनांक 01ते O7 सप्टेंबर पोषण आहार सप्ताह निमित्त विविध कार्यक्रमाचे आयोजन प्राचार्य डॉ. वर्षा कुलकर्णी यांच्या मार्गदर्शनात करण्यात आले. सप्ताह अंतर्गत अंतिम कार्यक्रम दि. 07/09/2023 रोजी करण्यात आला. त्या अंतर्गत पोषण सुंदरी स्पर्धा व बक्षीस वितरण कार्यक्रमाचे  आयोजन करण्यात आले.
कार्यक्रमाचे प्रास्ताविक करताना गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना स्पर्धा घेण्यामागचा उद्देश सांगुन राबवलेल्या पूर्ण पोषण आहार सप्ताहाच्या आढावा दिला. प्रमुख मार्गदर्शक व परिक्षक  म्हणून उपस्थित असलेल्या डॉ. राऊत यांनी विद्यार्थिनींना रोजच्या त्यातील पोषक घटकातून सौंदर्य कसे जपता येईल हे सविस्तर सांगितले आणि कडधान्यापासून बनवलेल्या दागिन्यांनी नटलेल्या पोषण सौंदर्यवतींनी परिधान केलेले दागिने स्वरूपी पोषक घटक हे आहारात देखील आणणे तेवढेच महत्त्वाचे आहे असे प्रतिपादन केले.
झालेल्या स्पर्धांमधून तीन क्रमांक काढण्यात आले  प्रथम क्रमांक रश्मी परसराम  व दिपाली ठाकरे द्वितीय क्रमांक साक्षी कैतवार व प्रिंयका शिरबंदी तृतीय क्रमांक माधुरी अड्याळकर व आचल बोदे   आणि प्रोत्साहनपर बक्षीस अंकिता बुटले व दामिनी गायकवाड  यांना प्राप्त झाला. सप्ताह भर  झालेल्या सर्व स्पर्धेचे बक्षीस वितरण प्राचार्य डॉ. वर्षा कुलकर्णी व प्रमुख पाहुणे म्हणून लाभलेल्या डॉ. राऊत यांच्या हस्ते करण्यात आले.
कार्यक्रमाचे सूत्रसंचालन दिपाली ठाकरे हिने तर आभार प्रदर्शन सायली प्रधान हिने केले. कार्यक्रमाच्या यशस्वीते करिता प्रा. सारिका नंदे प्रा. हेमा गुल्हाणे तसेच वैष्णवी बगमारे, प्रतिक्षा काटे, अंजली उईके देवयानी वानखडे इ. विद्यार्थिनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृहअर्थशास्त्र विभागाच्या वतीने दिनांक 01ते O7 सप्टेंबर पोषण सप्ताह निमित्त विविध कार्यक्रमाचे आयोजन प्राचार्य डॉ. वर्षा कुलकर्णी यांच्या मार्गदर्शनात करण्यात आले.
सप्ताह अंतर्गत दुसरा कार्यक्रम दि. 04/09/2023 रोजी करण्यात आला. त्या अंतर्गत पोषक घटकापासून बनवलेल्या डिश डेकोरेशन स्पर्धा व कडधान्यापासून बनवलेल्या विविध रांगोळी स्पर्धा चे आयोजन करण्यात आले. कार्यक्रमाचे प्रास्ताविक करताना गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना स्पर्धा घेण्यामागचा उद्देश सांगून कार्यक्रमाचे महत्त्व सविस्तर सांगितले. प्रमुख मार्गदर्शक व परिक्षक  म्हणून उपस्थित असलेल्या डॉ. सारिका शहा व रोटरी क्लबच्या सरिता वाधवाणी यांनी विद्यार्थिनींना पोषक रेसिपी विषयी सविस्तर माहिती सांगितली व त्याचे रोजच्या आहारात काय महत्त्व आहे हे पटवून दिले.
झालेल्या स्पर्धांमधून प्रत्येकी तीन क्रमांक काढण्यात आले डिश डेकोरेशन स्पर्धेत प्रथम क्रमांक दिपाली ठाकरे, द्वितीय क्रमांक नम्रता मराठे, तृतीय क्रमांक अंजली उईके, यांना प्राप्त झाला तर रांगोळी स्पर्धेमध्ये प्रथम क्रमांक अंजली उईके,  द्वितीय क्रमांक देवयानी बरडे ,व तृतीय क्रमांक दिपाली ठाकरे यांना प्राप्त झाला.
कार्यक्रमाच्या यशस्वीते करिता प्रा. सारिका नंदे प्रा. हेमा गुल्हाणे तसेच  देवयानी वानखडे पायल सुरपाम , रश्मी परसराम वैष्णवी बगमारे इ. विद्यार्थिनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे, दि. २९/८/२३ रोजी गृह अर्थशास्त्र विभागाच्या वतिने रक्षाबंधन निमीत्य राखी मेंकींग  प्रदर्शनी व विक्री तसेच मेहंदीस्पर्धेचे आयोजन प्राचार्य डॉ. वर्षा कुलकर्णी यांच्या मार्गदर्शनात करण्यात आले.
गृहअर्थशास्त्र विभाग प्रमुख डॉ. वैशाली मेश्राम ह्यांनी विद्यार्थीनींना स्पर्धेमागचा उद्देश सांगुन, विद्यार्थ्यांनी बनविलेल्या राख्यांचे कौतुक केले तसेच प्रा.हेमा गुल्हाने यांनी विद्यार्थींनीना अश्या स्पर्धा विदयार्थी दशेत कश्या महत्वाच्या आहेत हे सांगून, त्यांचे मनोबल वाढविण्यात आले. आलेल्या राख्यांमधुन पहिला क्रमांक  देवयानी बरडे, दुसरा क्रमांक  खुशी नंदनवार तर तिसरा क्रमाक देवयानी वानखडे हिचा काढण्यात आला तर मेहंदी स्पर्धेत प्रथम क्रमांक दामिनी बुटले,  दुसरा वैष्णवी शिकराम, तिसरा राजनंदिनी आडे हिचा आला स्पर्धेचे परिक्षण भुगोल विभाग प्रमुख डॉ. कल्पना देशमुख ह्यांनी केले, यावेळी विद्यार्थीनींनी राख्या विकुन अर्थाजन केले. कार्यक्रमांच्या यशस्वीतेकरिता  रश्मी परसराम, भाग्यश्री राठोड, वेदिका भिलाये, ह्यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृह अर्थशास्त्र विभागातर्फे अभ्यास मंडळाचे उद्घाटन  दि. 28/07/2023 रोजी करण्यात आले.
सदर कार्यक्रमाचे प्रास्ताविक करताना गृह अर्थशास्त्र विभाग प्रमुख डॉ. वैशाली मेश्राम यांनी विषयाचे महत्त्व सांगून अभ्यास मंडळ स्थापनेचा उद्देश सविस्तर सांगितला. तसेच प्रा. हेमा गुल्हाने यांनी विद्यार्थिनींना वर्षभर करावयाच्या विविध उपक्रमाची माहिती देऊन उपक्रमात सक्रिय सहभाग नोंदवा असे आवाहन केले. अभ्यास मंडळाचे उद्घाटक तसेच अध्यक्ष म्हणून महाविद्यालयाच्या प्राचार्य डॉ.वर्षा कुलकर्णी ह्या होत्या, यांनी अभ्यास मंडळाचे उद्घाटन करून विद्यार्थिनींना गृह अर्थशास्त्र विभाग हा महाविद्यालयाचा अविभाज्य घटक कसा आहे हे सविस्तर सांगितले व पुढील वाटचालीसाठी शुभेच्छा दिल्या.
अभ्यास मंडळाच्या अध्यक्षस्थानी रश्मी परसराम,  उपाध्यक्ष दिपाली ठाकरे,  कोषाध्यक्ष रेणुका टापरे,  सचिव पल्लवी कुमरे व एकूण दहा विद्यार्थिनींची सदस्य म्हणून निवड करण्यात आली. अभ्यास मंडळात नियुक्त झालेल्या विद्यार्थिनींनी  आपले मनोगत व्यक्त केले.
कार्यक्रमाचे सूत्रसंचालन दिपाली ठाकरे हिने तर आभार प्रदर्शन रेणुका टापरे हिने केले. कार्यक्रमाचे यशस्वी ते करिता काजल पोहनकर, प्रत्युषा पाटील, सपना निमसरकार, भारती छापेकर, गायत्री दुबे आणि पायल सुरपाम यांनी परिश्रम घेतले

बाबाजी दाते कला आणि वाणिज्य महाविद्यालय येथील गृहअर्थशास्त्र विभागाच्या वतीने मॉड्युलर घराला भेटीचे आयोजन दि. 03/04/2023 रोजी प्राचार्य डॉ. विवेक देशमुख यांच्या मार्गदर्शनात करण्यात आले.
गृह अर्थशास्त्र विषयाच्या अभ्यासक्रमांतर्गत विद्यार्थिनींना मॉडुलर घराची संकल्पना समजण्यासाठी तसेच मॉड्युलर किचन, इंटेरियर डेकोरेशन कशा पद्धतीचे असते  हे जाणून घेण्यासाठी सदर भेटीच्या आयोजन करण्यात आले.
गृह अर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना भेटी मागचा  हेतू सांगून आधुनिक युगात मॉडुलर घर कशी महत्वाची भूमिका बजावते हे सविस्तर सांगुन अहवालामध्ये कोणकोणते घटक समाविष्ट करावे याची सविस्तर माहिती दिली तसेच प्रा. हेमा गुल्हाने यांनी विद्यार्थिनींना मॉड्युलर घरामध्ये कोणत्या कोणत्या नवीन बाबी समाविष्ट करण्यात आल्या हे सांगून उद्योजकतेच्या दृष्टिकोनातून ह्या कशा महत्त्वाच्या आहे हे सांगितले, तसेच ज्यांच्या घराला भेट देण्यात आली अशा जोत्स्ना भाटपुरे यांनी विद्यार्थिनींना घराची संकल्पना, दिशेचे ज्ञान व रंगसंगती या करताना कोणत्या अडचणी आल्या व त्याची निराकरण  कश्या पध्दतीने झाले हे सविस्तर सांगितले.
सदर भेटीमध्ये विद्यार्थिनींनी अशी सर्व माहिती ग्रहण करून अहवालाचे लेखन केले.

बाबाजी दाते कला आणि वाणिज्य महाविद्यालय यवतमाळ येथील  गृहअर्थशास्त्र विभागाच्या वतीने गृहअर्थशास्त्र अभ्यास मंडळ उद्घाटन कार्यक्रम व केक चॉकलेट प्रशिक्षण कार्यक्रमाचे आयोजन दिनांक 03/12/2022  रोजी करण्यात आले सदर कार्यक्रमाला प्रमुख पाहुण्या म्हणून उपस्थित असलेल्या प्रा. अनिता येंडे  यांच्या हस्ते गृहअर्थशास्त्र अभ्यास मंडळाचे उद्घाटन करण्यात आले व त्यांनी गृहअर्थशास्त्राचे महत्व सांगुन विद्यार्थिनींना केक चॉकलेटचे प्रशिक्षण दिले. तसेच केक व चॉकेलेट  घरच्या घरी बनवून अर्थार्जन कसे करता येईल हे सागितले
गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना अभ्यास मंडळ स्थापने मागचे उद्दिष्ट सांगून वर्षभर करावयाच्या कार्याचा आढावा दिला. अभ्यास मंडळाचे अध्यक्ष म्हणून रश्मी परसराम उपाध्यक्ष म्हणून शिवाणी पुसनाके कोषाध्यक्ष कोमल काळे व सचिव म्हणून जुई काळे यांची निवड करण्यात आली.
कनिष्ठ महाविद्यालयातील गृह अर्थशास्त्रच्या प्रा. आशा गादे यांनी विद्यार्थिनींना कार्यशाळा घेण्यामागचे उद्दिष्टे सांगितले तसेच प्रा. सारिका नंदे यांनी विद्यार्थिनींना गृह अर्थशास्त्र हा विषय अर्थार्जनासाठी कसा उपयोगी आहे हे स्पष्ट करून सांगितले.
सदर कार्यक्रमाच्या यशस्वीतेकरिता प्रेरणा पाटील, दिपाली ठाकरे, प्रिया दोनाडकर यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृहअर्थशास्त्र विभागांतर्गत प्रकल्प भेट दिनांक 18/11/2022 आयोजित करण्यात आली.
गृहअर्थशास्त्र विषयाच्या विद्यार्थिनींना स्वयंरोजगार व गृह उद्योग करण्याकरिता प्रोत्साहन देण्यासाठी सृजन प्रकल्प पांढरकवडा येथे एक दिवशीय शैक्षणिक सहलीचे आयोजन करण्यात आले या प्रकल्पामध्ये  बांबू शेती मार्गदर्शन विषयक माहिती देऊन विद्यार्थिनींना बांबुचे एकुण 80 प्रकार दाखविण्यात आले व या द्वारे विविध कलात्मक वस्तु बनवण्याचे प्रशिक्षण देण्यात आले. त्याच बरोबर विविध गृह उद्योगाची माहिती सृजन प्रकल्प प्रमुख अजय डोळस यांनी दिली  व विद्यार्थिनींना पारंपारिक शेती न करता बांबू शेती  हा पर्याय सांगितला.
आयोजित प्रकल्पामध्ये गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थिनींना प्रकल्प घेण्यामागचा हेतू सांगून बांबूद्वारे विविध वस्तू बनवून रोजगार कसा मिळतात हे सविस्तर सांगितले तसेच प्रा. सारिका नंदे यांनी विद्यार्थिनींना अर्थार्जनासाठी फक्त नोकरी पर्याय न ठेवता स्वयंरोजगार करा असे आवाहन केले.
सदर प्रकल्प भेटीमध्ये विद्यार्थिनींनी सहभोजनाचा आनंद लुटला व मनोरंजनात्मक शिक्षण घेतले.

बाबाजी दाते कला आणि वाणिज्य महाविद्यालय यवतमाळ येथील गृहअर्थशास्त्र विभाग यांच्या वतीने फुलांचे विविध प्रकार व त्यांची मांडणी ही एक दिवशीय कार्यशाळा दिनांक 16/11/2022 रोजी आयोजित करण्यात आली.
प्रस्तुत कार्यशाळेत विभाग प्रमुख डॉ. वैशाली मेश्राम यांनी विद्यार्थिनींना फुलांचे विविध प्रकार सांगून त्याद्वारे करण्यात येणारी रंग योजना व आकर्षक मांडणी हे प्रात्यक्षिकाद्वारे समजावून सांगितले विद्यार्थिनींनी कल्पकतेतून फुलांची मांडणी केली व कलात्मक रांगोळी रेखाटल्या.
प्रस्तुत कार्यशाळेच्या यशस्वी ते करिता दिपाली ठाकरे वैष्णवी बुल्ले, प्रिया डोनादकर, राखी मैंद, पलक तेलंग यांनी परिश्रम घेतले.

बाबाजी दाते कला आणि वाणिज्य महाविद्यालय राष्ट्रीय सेवा योजना व गृहअर्थशास्त्र विभाग यांच्या संयुक्त विद्यमाने दिवाळी वस्तुंचे प्रदर्शन व विक्री कार्यक्रमाचे आयोजन दि.१९/१०/२०२२ प्राचार्य डॉ. कल्पना देशमुख यांच्या मार्गदर्शनात करण्यात आले.
प्रदर्शनीचे उद्घाटक म्हणून माजी सिनेट सदस्य व इंग्रजी विभाग प्रमुख डॉ. विवेक देशमुख हे होते. रा.से.यो. कार्यक्रम अधिकारी व गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थ्यांना विविध वस्तु बनवण्यासाठी मदत केली व स्वयंरोजगाराचे महत्व सांगितले. रा.से.यो. सहकार्यक्रम अधिकारी डॉ. सचिन जयस्वाल यांनी प्रदर्शनी  कशी लावायची हे सांगुन विक्री कौशल्य शिकविले
विद्यार्थ्यांना स्वयंरोजगाराचे महत्व समजण्यासाठी दिवाळी निमित्त वापरण्यात येणाऱ्या विविध वस्तु विद्यार्थ्यांनी बनवुन विक्री केली. यामध्ये आकर्षक दिवे, आकाश दिवे, तोरण, फुलांच्या माळा तसेच खाद्य पदार्थांचा समावेश होता.
विद्यार्थ्यांनी विक्री कले द्वारे ग्राहकांना आकर्षित केले. प्राध्यापक व विद्यार्थ्यांनी विविध वस्तुची खरेदी करून रा.से.यो. विद्यार्थ्यांचे कौतुक केले. सदर कार्यक्रमासाठी सुज्वल खंडारकर, निखिल होलगरे, मंगेश लोंढे, शौकत, अखिल सय्यद, रंजित वाघमारे, खुशी सहारे, सेजल भजगवळे, जयश्री रेकुलवार, सायली प्रधान, कृतिका चिंटे, स्नेहल यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथील गृहअर्थशास्त्र विभाग व राष्ट्रीय योजना यांच्या संयुक्त विद्यमाने पोषण महिन्या अंतर्गत दि. 30/09/2022 रोजी रान भाजी, वन औषधी, व पोषक अन्न प्रदर्शनी व माहिती कार्यक्रमाचे आयोजन करण्यात आले.
रा. से.यो.कार्यक्रम अधिकारी तथा गृहअर्थशास्त्र विभाग प्रमुख डॉ. वैशाली मेश्राम यांनी विद्यार्थी व आलेल्या पाहुण्यांना रान भाज्यांचे महत्व तसेच वन औषधी घेतल्याने कसा फायदा होतो हे सांगुन प्रदर्शना मागची भुमिका स्पष्ट केली. रा.से.यो. सहकार्यक्रम अधिकारी डॉ. सचिन जयस्वाल यांनी विद्यार्थ्यांना सुदृढ राहण्यासाठी सकस आहार कसा गरजेचा आहे हे सांगुन विद्यार्थ्यांनी लावलेल्या प्रदर्शनीचे कौतुक केले.
कार्यक्रमाच्या यशस्वीतेकरिता दिपाली ठाकरे, राखी मैंद, रश्मी परसराम, प्रार्थना इंगोले, संपना निमसरकार, प्रेरणा पाटील, सृष्टी येडमे, खुशी नंदनवार, पलक भगत यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ येथे दि. 14/09/2022 राष्ट्रीय सेवा योजना व गृह अर्थशास्त्र विभाग यांच्या संयुक्त विद्यमाने पोषण महीना अंतर्गत पोषण विषयक माहिती व पोषक अन्नाचे वाटप मडकोणा या गावी करण्यात आले.
रा.से.यो. विद्यार्थ्यांनी शालेय विद्यार्थ्यांना व बालकांना संस्कार गीते गाऊन पोषक अन्नाचे वाटप केले. रो. से.यो. कार्यक्रम अधिकारी व गृह अर्थशास्त्र विभाग प्रमुख डॉ. वैशाली मेश्राम यांनी गर्भवती महिलांना व विद्यार्थ्यांना पोषणाचे महत्व सांगुन आहार विषयक मार्गदर्शन केले. सह क्रार्यकम अधिकारी डॉ. सचिन जयस्वाल यांनी विद्यार्थ्यांना ग्रामीण भागातील समस्या समजुन सांगुन राबवायच्या उपक्रमाची माहिती दिली.
यावेळी विद्यार्थ्यांनी कडधान्याच्या रांगोळी काढून कडधान्याचे महत्व व स्वतःहा तयार केलेल्या पोषक अन्नाचे महत्व सांगीतले व पोषक आहाराची अन्नातील भुमिका स्पष्ट केली.
कार्यक्रमाच्या यशस्वीतेकरिता रोहन गायकवाड , रश्मी परसराम, प्रार्थना इंगोले, कोमल काळे, सृष्टी येडमे, खुशी नंदनवार, रागीणी रिठे, निशा पेंदोर, दिपाली ठाकरे, प्रिया दोनाडकर, उल्हास चव्हाण, योगेश महाजनकर यांनी परिश्रम घेतले

बाबाजी दाते कलाआणि वाणिज्य महाविद्यालय यवतमाळ येथे गृह अर्थशास्त्र विभागाच्या अंतर्गत स्तनपान सप्ताहानिमित्य राबवलेल्या विविध उपक्रमाची प्रदर्शनी तसेच राखी प्रदर्शनी चे आयोजन दि.10/8/22 रोजी करण्यात आले.
कार्यक्रमाच्या अध्यक्ष स्थानी महाविद्यालयाच्या प्राचार्य डॉ. कल्पना देशमुख होत्या. प्रमुख अतिथी म्हणून डॉ. स्नेहल डहाळे, डॉ वर्षा कुलकर्णी, डॉ. आशालता आसुटकर ह्या होत्या.
गृहअर्थशास्त्र विभाग प्रमुख डॉ. वैशाली मेश्राम ह्यानी स्तनपान सप्ताह राबविण्यामागची भूमीका स्पष्ट केली, तसेच राखी बनविणे ही एक कला असून उद्योजकता या उपक्रमातून कशा पद्धतीने निर्माण करता येते हे सविस्तर सांगीतले. उपस्थित सर्व मान्यवरांनी विद्यार्थ्यांचा उत्साह वाढवून कौतुक केले. सदर प्रदर्शनी मधुन प्रत्येकी तिन क्रमांक काढण्यात आले व राख्याची विक्री करण्यात आली. प्रदर्शन यशस्वी करण्याकारीता रश्मी परसराम, जुई काळे, चैताली जाधव, दिपाली ठाकरे, वैष्णवी ठाकरे, वैष्णवी बुल्ले, राखी मैद ह्यांनी परिश्रम घेतले.

बाबाजी दाते कला आणि वाणिज्य महाविद्यालयातील गृह अर्थशास्त्र विभागाच्या वतीने दि. २०/०४/२०२२ रोजी  चहा पानाचे आयोजन करण्यात आले.
बी.ए भाग ३ सेमीस्टर ६ च्या सत्र कार्यांतर्गत व्यक्तिमत्व विकास मार्गदर्शन व विकास ह्या कार्यक्रमात प्राचार्य डॉ. कल्पना देशमुख यांनी विद्यार्थ्यांना  व्यक्तिमत्व विकासासाठी अशा कार्यक्रमाची काय भुमिका असते हे सांगितले. गृह अर्थशास्त्र विभाग प्रमुख डॉ. वैशाली मेश्राम यांनी या कार्यक्रमाच्या आयोजनाचा उद्देश सांगितला.
सदर कार्यक्रमामध्ये सर्व प्राध्यापकांनी विद्यार्थ्यांशी हितगुज केले व चहापानाचा आनंद घेतला.
कार्यक्रमाच्या यशस्वितेकरिता बी.ए. भाग ३ च्या विद्यार्थीनींनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ, येथे गृहअर्थशास्त्र विभागातर्फे नव वर्षाचे स्वागत म्हणून दिनांक १/०१/२०२२ रोजी गृहअर्थशास्त्र विभागातर्फे कमवा व शिका या योजने अंतर्गत प्राचार्य डॉ. वर्षा कुलकर्णी यांच्या मार्गदर्शनाखाली आनंद मेळाव्याचे आयोजन करण्यात आले.
आनंद मेळाव्यामध्ये विविध खाद्यपदार्थ आणि वस्तूंची विक्री करण्यात आली.  विद्यार्थिनींनी बनविलेले पदार्थ कसे पौष्टिक आहेत हे विभाग प्रमुख डॉ.वैशाली मेश्राम यांनी पटवून दिले. विद्यार्थिनींनी शिक्षणातून स्वतःच्या कलागुणांद्वारे कशी प्रगती करता येईल हे सविस्तर सांगून आनंद मेळाव्याची सुरुवात करण्यात आली. मेळाव्याचे उदघाटन प्राचार्य डॉ. वर्षा कुलकर्णी आणि प्रा. डॉ. विवेक देशमुख यांच्या हस्ते करण्यात आले. एकूण 15 stalls लावण्यात आले होते.  विद्यार्थिनी आणि प्राध्यापकानी विविध पदार्थांचा आस्वाद घेतला. विद्यार्थिनींनी बनविलेल्या विविध वस्तू विकत घेवून विद्यार्थिनींना उत्तेजन देण्यात आले.
कार्यक्रमाच्या यशस्वितेकरिता खुशी नंदनवार, प्रार्थना इंगोले, रश्मी परसरल, साक्षी चव्हाण, दिव्या डोमे, दिक्षा आडे, ह्यांनी परिश्रम घेतले.

बाबाजी दाते कला आणि वाणिज्य महाविद्यालय यवतमाळ च्या गृहअर्थशास्त्र विभागा तर्फे  एक दिवसीय शैक्षणिक सहलीचे आयोजन वर्धा येथे  दि. २४/१२/२०२१ रोजी करण्यात आले.
शैक्षणिक प्रकल्प भेटी अंतर्गत मगध संग्रालय येथे वस्त्रउदयोगाला भेट देण्यात आली. गृहअर्थशास्त्र विभाग प्रमुख डॉ.वैशाली मेश्राम यांनी वस्त्र कसे तयार होते, तसेच प्रिंटिंग व रंगाई कशी केली जाते यांची माहिती दिली. तेथील अश्विनी मॅडम यांनी प्रात्याक्षिक दाखविले. त्यानंतर ग्रामविज्ञान केंद्राला भेट देण्यात आली. तेथील प्रमुख श्री आशिष यांनी ग्रामउदयोग व नैसर्गिक रित्या खत आणि फवारणीसाठी वापरल्या जाणाऱ्या कीटक नाशकांची  निर्मिती प्रक्रिया समजाऊन सांगितली.
कागद निर्मिती, रंग निर्मिती व फेकलेले कापड व कागद यापासून नवीन कागद व पुठ्ठा निर्मितीचे प्रशिक्षण विद्यार्थिनींना देण्यात आले. विद्यार्थिनी मध्ये दयाभाव व सेवावृत्ती निर्माण होण्यासाठी करुणाश्रम येथे भेट देण्यात आली. जखमी वन्यप्राणी दाखविण्यात आले व त्यांचा इलाज झाल्यानंतर त्यांना कशा प्रकारे जंगलात सोडून दिल्या जाते हे तेथील मेघा ताई यांनी समजावून सांगितले.
प्रा. डॉ वैशाली मेश्राम मॅडम व प्रा.सारिका नंदे ह्यांनी विद्यार्थ्यांना सविस्तर माहिती देऊन शैक्षणीक सहलीचे यशस्वी आयोजन केले. या सहली करिता नेहा पवार, रश्मी परसराम, साक्षी चव्हाण, प्रार्थना इंगोले, दिशा आडे, खुशी नंदनवार, दिव्या डोमे,  पूजा डंभारे, यांनी सहकार्य केले.

बाबाजी दाते कला आणि वाणिज्य महाविद्यालय यवतमाळ येथे १० डिसेंबर २०२१ रोजी एक दिवसीय पुष्परचना कार्यशाळेचे आयोजन गृह अर्थशास्त्र व राष्ट्रीय सेवा योजना यांच्या संयुक्त विद्यमान करण्यात आले.
कार्यक्रमाच्या अध्यक्ष स्थानी महाविद्यालयाच्या प्राचार्य डॉ. वर्षा कुलकर्णी होत्या. अध्यक्षीय भाषणात सौन्दर्य निर्मितीसाठी पुष्परचना कशी महत्वाची आहे यावर प्राचार्य डॉ. वर्षा कुलकर्णी यांनी मार्गदर्शन केले.  गृहअर्थशास्त्र विभाग प्रमुख तसेच राष्ट्रीय सेवा योजनेच्या कार्यक्रम अधिकारी डॉ. वैशाली मेश्राम यांनी महाविद्यालयात कार्यक्रमासाठी बुके आणि हार लागतात त्यावर विद्यार्थ्यांनी बनविलेले बुके वापरून वर्षभराचा खर्च कसा वाचवता येईल, तसेच टाकावू सामानांपासून सुंदर पुष्परचना कशा तयार करता येतील हे प्रशिक्षणाद्वारे शिकविले. कार्यक्रमाला प्रमुख अतिथी म्हणून कनिष्ठ महाविद्यालय गृहअर्थशास्त्रच्या प्रा. सारिका नंदे उपस्थित होत्या.  कु. प्रणाली अगलधरे यांनी पुष्परचना आणि बुके विकून स्वयंरोजगार कसा करता येईल याचे सविस्तर मार्गदर्शन केले.
कार्यशाळेचे आयोजक व मार्गदर्शक म्हणून राष्ट्रीय सेवा योजनेचे सह कार्यक्रम अधिकारी डॉ. सचिन जयस्वाल यांनी परिश्रम घेतले. कार्यशाळेच्या यशस्वीतेसाठी रश्मी परसराम, दिव्या भगत, साक्षी चव्हाण, कोमल काळे, स्नेहल किनाके यांनी परिश्रम घेतले.

३ डिसेंबर २०२१ रोजी स्थानिक बाबाजी दाते कला आणि वाणिज्य महाविद्यालय, यवतमाळ येथे गृहअर्थशास्त्र विभागाच्या वतीने गृहअर्थशास्त्र अभ्यासमंडळाची स्थापना, उदघाटन आणि व्यक्तिमत्व विकास उद्बोधन कार्यक्रमाचे आयोजन करण्यात आले.
स्थानिक बाबाजी दाते कला आणि वाणिज्य महाविद्यालयमध्ये शैक्षणिक दृष्टीकोनातून वेगवेगळ्या कार्यक्रमाचे आयोजन करण्यात येते ज्या मधून विद्यार्थ्यांना योग्य मार्गदर्शन केले जाते. व्यक्तिमत्व विकासासाठी कोणते कला गुण अंगी असावे तसेच कलागुण जोपासण्यासाठी काय प्रयत्न करावे यावर कार्यक्रमाचे उद्घाटक तसेच मार्गदर्शक म्हणून महाविद्यालयाच्या प्राचार्य डॉ. वर्षा कुलकर्णी यांनी मार्गदर्शन केले.
कार्यक्रमाचे आयोजन तथा गृहशास्त्रविभाग प्रमुख डॉ. वैशाली मेश्राम यांनी अभ्यासमंडळाची आवश्यकता आणि अभ्यासमंडळाची उद्दिष्ट्ये सांगितली तसेच व्यक्तिमत्व विकास करताना प्रामुख्याने कोणत्या बाबींकडे लक्ष द्यावे ह्या विषयावर सविस्तर मार्गदर्शन केले
गृहअर्थशास्त्र अभ्यासमंडळामध्ये अध्यक्ष दिव्या भगत, उपाध्यक्ष स्नेहल किन्नांके, सचिव साक्षी चव्हाण, कोषाध्यक्ष कोमल काळे आणि 10 मुलींची सदस्या  म्हणून निवड करून बॅनरचे रीतसर उदघाटन करण्यात आले. कार्यक्रमाचे सूत्रसंचालन रश्मी परसराम हिने तसेच आभारप्रदर्शन देवयानी बरडे हिने केले. कार्यक्रमाच्या यशस्वीकरिता खुशी नंदनवार, लतीका लुटे, पूजा डंभारे व अंकिता वांडरे आदींनी परिश्रम घेतले आहे

बाबाजी दाते कला आणि वाणिज्य माहाविद्यालय गृह अर्थशास्त्र विभाग यांच्या माध्यमातुन महिलाची दिशा आणि दशा या विषयावर  बी. ए. भाग एक च्या विद्यार्थीनीसाठी डॉ. कल्पना कोरडे, शिवशक्ती कॉलेज बाभुळगाव यांचे मागादर्शन पर कार्यक्रमाचे आयोजन करण्यात आले होते.
डॉ कोरडे यांनी अत्याचाराला प्रतिबंध कसा करावा. गरज पडल्यास दामिनी पथकाची कशी मदत घ्यावी याबद्दल मार्गदर्शन केले.  मित्र असावा परन्तु मित्राचा आई वडिलां सोबत परिचय करून द्यावा असे त्यांनी सांगितले. मित्रांना गैरफायदा घेऊ देऊ नये. नोकरीच्या मागे न लागता स्वंयरोजगार कसा करावा यासाठी सरकारी योजनांची माहिती दिली. कार्यक्रमाला प्रभारी प्राचार्य प्रा.पुराणिक  अध्यक्षस्थानी उपस्थित होत्या.
आचार्य पदवी प्राप्त केल्याबद्दल डॉ .कल्पना कोरडे  आणि डॉ. सरिता देशमुख यांचा  गृह अर्थशास्त्र विभागातर्फे  प्राचार्य प्रा.पुराणिक यांनी पुष्पगुच्छ आणि भेट देऊन सत्कार केला. या कार्यक्रमाला प्रा. प्रणिता थुल तसेच डॉ सरिता देशमुख या उपस्थित होत्या.

दिनांक 26 नोव्हेंबर २०१८ रोजी गृहअर्थशात्र विभागा तर्फे माध्यामिक शाळेतील विद्यार्थिनींसाठी “आरोग्य आणि किशोर अवस्थेतील विविध समस्या” या विषयावर मार्गदर्शन करण्यात आले. डॉ. सौ. विजया दाते ह्यांनी मागदर्शन केले. त्यांनी सांगितले की स्त्री ही अबला नाही. सरस्वतीदेवी, दुर्गामाता, लक्ष्मीदेवी इत्यादी उदाहरणे देऊन स्त्री पूर्णपणे सक्षम आहे हे पटवून दिले. डॉ विजया दाते यांनी विद्यार्थिनींना त्यांच्या पौंगडावस्थेत होणाऱ्या शारीरिक व मानसिक बदलाची माहिती सांगितली. Good touch व Bad touch यामधील फरक सांगितला व Bad touch ला विरोध करायला शिकविले. या वयात हार्मोन्स मधील होणारे बदलाची माहिती सांगितली. विद्यार्थिनींना संपूर्ण माहिती खूपच उपयुक्त वाटली.
अध्यक्षस्थानी विभाग प्रमुख व प्रभारी प्राचार्य प्रेरणा पुराणिक, संस्थेच्या विश्वस्त सौ. सुषमा दाते उपस्थित होत्या.